Batu ditzagun gure ahotsak.

Zaldibiako EAJtik GAITU proiektura gonbidatu nahi zaituztegu, Common Voice proiekturako euskarazko ahots corpus bat sortzen laguntzeko. GAITU proiektuak Mozilla fundazioak abian jarritako Common Voice ekimena hornituko du.

Horrela, euskarak presentzia egokia izango du testuinguru digitalean, bere erabilgarritasun teknologikoa sendotuko du eta bere erabilera-eremuak zabalduko ditu.

Euskara gure nortasunaren ezaugarrietako bat da, eta guztion artean, kolore politikoa edozein dela ere, euskara babesteko, zabaltzeko eta hitz egiteko betebeharra dugu.

Garaiak aldatuz doaz eta gure hizkuntzak beraiekin joan behar du, ezin gara atzean geratu. Teknologia berriak abiadura bizian doazen garai batean bizi gara, eta guk batera joan behar dugu gure hizkuntza bilakaera teknologiko eta sozial horren parte ez izatea nahi ez badugu.

Egun hauetan Espainiako Diputatuen Kongresuan bizi izan berri dugun adibiderik argiena da aurrera egiten jarraitu behar dugula. Ez bakarrik herri gisa dugun eskubide gisa, baizik eta herri hori babestu eta hedatzeko betebeharra dugulako, esan dugun bezala.
Hori teknologikoki posible izan dadin, horretan lagundu behar dugu. Guk ez badugu laguntzen, ez du inork egingo. Erakundeek lagundu, sustatu eta abar egin dezakete, baina herritarren laguntzarik eta kontzientziaziorik gabe, erakundeen lana ez da nahikoa.

Proiektu handinahi honetan inplikatu behar zaitugu, gure hizkuntza mundu osoan entzun ahal izateko; bai mundu osoan.

Adimen artifizialak euskaraz ulertu eta hitz egin dezan, lehenik irakatsi egin behar zaio eta horretarako milaka ahots eta milaka ordu behar ditugu euskaraz grabatzeko.
Zure ahotsa garrantzitsua da. Ahots asko eta mota askotakoak behar dira: adin eta genero guztietakoak. Eta zurea ere bai.

Guztion artean sortzen ari den ahotsen datu-basea, gero, enpresa guztiek erabili ahal izango dute euskarazko tresna eta aplikazio berriak sortzeko, euskaldun guztien onurarako.

Horretarako, sartu eta grabatu mesedez 30-300 esaldi inguru. Oso erraza da.Ekarpen polita egingo diogu gure hizkuntzaren eta kulturaren garapenari.

Sakatu hemen sartzeko eta zure ekarpena egiteko:

 

https://commonvoice.mozilla.org/eu

 

Nahiago baduzu eta teknologia zurea ez bada, udaletxeko beheko solairuko aretoan egongo gara zure esanetara datozen egunetan: Asteartea, urriak 3, 18: 00etatik 19:30etara.
 

Guztion artean lortuko dugu gure hizkuntza mundu osoan entzun eta erabili ahal izatea!!!